Кутском

     Кисьмай, кадь. Туж кемалась потэ ни вал аслэсьтым блогме усьтыны. Школаын дышетскыкум компьютере потэм бере "дневник" гожъяны кутски вал. Но со дыр ортчыса кытчы ке но ышиз, шедьтыны уг быгатӥськы ни. Яратӥсько малпаськыны. Куд-ог дыръя часъёсын быгатӥсько малпаськыса
вырӟылытэк интыям пукыны. Оло-кытчы но вуылӥсько, быдэс дуннеез котыръясько. Соин, дыр, мон туж вераськись ӧвӧл, весяк ас дуннеям лобасько.

       Малпасько, аслэсьтыд блогдэ усьтон понна улонын кыӵе ке но вакыт вуыны кулэ. Татын мон туртто аслэсьтым малпанъёсме гожъяны, туртто лыдӟисьлы усьтӥськыны.