Уж

     Кемалась номыр но ӧй гожъя ни, ужаськемъяськисько весь. Ужаськод, ужаськод, нош гуртэ бертӥськод но, номыр но карем уг поты ни, вань визьме уж доры кельтӥсько кадь потэ. Угось уже мынам сыӵе, быдэс нунал йырын ужаны кулэ. Уж бере поръяны пот вал но, куазь солы тупась ӧвӧл на. Шунытгес луиз ке, великен ужаны ветло ни.

    Уж сярысь мынам таӵе малпанэ: уг яра быдэс улонэз

коньдон поттон ужлы гинэ сӥзьыны, тросэз ведь ужало коньдон понна гинэ. Юан кылдэ, нош кызьы собере улыны кулэ, уксёед ӧз луы ке? Мон ачимъя али валаны кутскисько ни: тросгес зарплата басьтыса мынам коньдонэ тросгес уг луы, тросгес уг люкаськы. Тросгес коньдон поттэмъя, тросгес сое быдтэм потыны кутске. Азьло зарплатае но трослы ӧжытгес вал, но озьы ке но котькытчы коньдонэ тырме вал. Мынам таӵе кышканэ вань: быдэс улонме коньдон поттон уж бордын быдто шуыса. Раб луонтэм вылысь, малпасько, аслэсьтыд "потребностьёстэ" шӧдыны, вандылыны быгатыны кулэ. Туала арын, кызьы шуо, "не модно" ни кин ке но вылэ ужаны, кулэ мае ке но аслэсьтыд усьтыны, ас вылад ужаны кулэ.

    Тросэз ужало еще сыӵе интыын, кытын соослы уг кельшы ужаны, юнме дырзэс, ӟигарзэс, мылкыдзэс соос сыӵе уже быдто кадь потэ мыным. Уг яра сыӵе ужын ужаны, кошкыны, пегӟыны кулэ отысь. Мынам таиз уже кельше, но котьку вань "но". Маиз ке но уг яра, "работа мечты" сярысь мынам мукет малпанэ. Шер сыӵе уж сюре, кытын мылыд потӥз - пост гожтӥд, мылыд потӥз, мар ке мукет ас уждэ лэсьтӥд.

     Ярам, мар мон "кулэ", да "кулэ" шуыса гожъяськисько, кошки мон чай юыны. Трос ужаны уг яра.